Regjisori i njohur Jean-Marc Vallée, i cili drejtoi dramën e vitit 2013 “Dallas Buyers Club”, ka ndërruar jetë të dielën në Quebec City, Kanada, në moshën 58-vjeçare. Lajmi është konfirmuar për CNN nga publicisti i kompanisë së tij të prodhimit.
Regjisori filloi të punojë në videoklipe kanadeze dhe filma me metrazhe të shkurtra, përpara se të bënte debutimin e tij artistik, me filmin në gjuhën franceze “Liste noire”, i njohur gjithashtu me titullin e tij në anglisht “Black List”.
Filmi tjetër shumë i njohur i tij ishte “Dallas Buyers Club”, filmi i vitit 2013 i bazuar në historinë e vërtetë të një pacienti me SIDA, i cili bëhet distributor i trajtimeve eksperimentale. Megjithëse regjia e Vallée nuk u njoh nga Akademia, filmi u nominua për Filmin më të Mirë, ndërsa yjet Mattheë McConaughey dhe Jared Leto fituan të dy Oscars për interpretimet e tyre.
/Priza.al/
