Kryedemokrati Lulzim Basha përmes një statusi në rrjete sociale akuzon kryeministrin Edi Rama se shpërdoron taksat e shqiptarëve përmes fluturimeve me avion privat.
Basha ka treguar edhe shiifra ku thotë se Rama me avionin e tij privat shpenzon 700 mijë dollarë në vit kosto fikse, ndërsa shton se 1 orë udhëtim kushton rreth 15 mijë dollarë.
Ai shkruan se ky shpërdorim i taksave të qytetarëve më të varfër të Europës, tregon pse vettingu në politikë është i domosdoshëm për të pasur politikanë që punojnë për familjet shqiptare, jo për veten, krimin e organizuar dhe oligarkët.
Statusi i Bashës:
“Në 52 milionë eurot që shpenzohen për luksin qeveritar, bëjnë pjesë edhe milionat që Rama shpërdoron për fluturimet e tij me avionin privat, me flatrat korruptive të një kompanie ajrore të ekspozuar edhe nga Transparency International. Ky shpërdorim i taksave të qytetarëve më të varfër të Europës, tregon pse vettingu në politikë është i domosdoshëm për të pasur politikanë që punojnë për familjet shqiptare, jo për veten, krimin e organizuar dhe oligarkët.’-shkruan ai.
/Priza.al/
