Kryeministri Edi Rama do të zhvillojë ditën e sotme një takim me kryebashkiakët ku fokusi kryesor do të jetë menaxhimi i integruar i mbetjeve.
Ky takim i Ramës me kryebashkiakët vjen në prag të sfidës elektorale për zgjedhjet vendore, në një kohë kur PS ka nisur edhe ristrukturimin e bazës së partisë.
Bëhet me dije se në takim do të jetë e pranishme edhe zv.kryeministrja Belinda Balluku, ministrja e Mjedisit, Mirela Kumbaro, si edhe ambasadori gjerman në Tiranë, Peter Zingraf. Takimi pritet të nisë në orën 09:00 dhe të zgjasë deri pasdite në 16:00, ku do të ketë disa panele dhe diskutime.
