Një gazetare e re thotë se ajo, nëna e saj, shtatë vëllezërit dhe tre motrat janë braktisur nga babai i saj, i cili u evakuua nga Afganistani me gruan e tij të dytë.
Zalash, jo emri i saj i vërtetë, thotë se talebanët i kanë thënë se nëse kthehet në punën e saj si gazetare do të vritet, përcjell abcnews.al.
E reja i tha BBC 5 Live se ajo dhe familja e saj janë në strehim të përkohshëm dhe kanë frikë për jetën e tyre.
“Dua të përpiqem të shpëtoj jetën e familjes sime.Ndihem zemërthyer. Ata duan të shkojnë në universitet dhe shkollë. Ne jemi kaq të varfër. Kemi një stilolaps dhe e gjithë familja e përdor atë për detyrat e shkollës,” tha ajo.
Zalash, 18 vjeç, tha se babait të saj i ishte thënë familjes që të shkonte në aeroport dhe e pritën atë për gati 24 orë. “Kishim një kohë të vështirë. Nuk flinim. Ne qëndruam në diell të nxehtë. Vendi ishte shumë i ndotur,” tha ajo.
“Pastaj trupat na thanë se babai im nuk donte që ne të shkonim në avion. Ai mori gruan dhe familjen e tij tjetër. Ai tha se nëse nuk largoheshim do të më godiste me shuplakë. Ne kemi mbetur me lot dhe zemra të thyera. Shpresa jonë e vetme është Zoti,” ka thënë vajza.
/Burimi: BBC/ Përshtati Priza.al/
