Ditën e sotme këngëtari i ndjerë Ergi Dini do të festonte ditëlindjen e tij të 27-të.
Motra e tij Barbana Dini ka rikujtuar sot vëllanë e saj të ndjerë, ku ka zgjedhur të ndajë disa fjalë publikisht, edhe pse ai është çdo moment të ditës në mendjen e saj.
“Sot është dita jote e lindjes, do bëheshe 27 vjeç! Nuk gjej dot fjalë ta shpreh se sa shumë mall kam për ty, Ergi! Nuk ka moment që nuk të kam në mendje… Koha kalon, malli shtohet e fjalët pakësohen, sepse nuk kanë më vlerë… Festo me ëngjëjt, ëngjëlli im, dhimbja ime më e madhe…”, -ka shkruar Barbana përkrah një fotoje të vëllait të saj.
Ergi ndërroi jetë në nëntor të vitit 2016, pas një aksidenti me motor, bashkë me mikun e tij të ngushtë.
/Priza.al/
