Kreu i PD, Lulzim Basha në një mbledhje me demokratët u shpreh se opozita duhet pengojë pazaret politike që mund të bëhen mes palëve.
Basha theksoi se dobësimi i opozitës ka bërë që shqiptarë të humbin shpresën e politikbërjes në vend, duke nxitur edhe emigracionit.
“PD përpara ka dy etapa, programin politik për zgjedhjet e ardhshme parlamentare dhe koncepti ynë për qeverisjen vendore. Ne si PD përpara kemi dy etapa. E para programi ynë politik që ka lidhje edhe me zgjedhjet e ardhshme parlamentare dhe brenda tij koncepti ynë për qeverisjen vendore. Dhe së dyti, nisja sot si rregull 3 vite para zgjedhjeve të ardhshme lokale e programit tonë specifik për pushtetin vendor. Gjithçka, nga propozimet tona të natyrës elektorale në raport me pushtetin vendor e te konfigurimi nga kryetar bashkie, këshill bashkiak dhe kompetencat e tyre dhe deri tek propozimet konkrete të përshtatura sipas veçorive të çdo bashkie thellësisht urbane, rurale, kanë të bëjnë me fatin e njerëzve, kanë të bëjnë me të sotmen dhe të nesërmen.
Së pari me ndaljen e hemorragjisë dhe ndalimin e largimit masiv që sigurisht prek mbi të gjitha bashkitë periferike dhe në periferi të bashkive, të shkatërrimit të aktivitetit ekonomik duke nisur me bashkitë rurale aktivitetin rural, bujqësor, të infrastrukturës, të asaj që ceka më herët që në Shqipëri po ndërtohet më shumë se asnjëherë tjetër duke shkatërruar në mënyrë kriminale edhe parqet urbane dhe bukuritë natyrore në bregdet. Por ndërkohë me çdo muaj dhe çdo vit që kalon, si rezultat i infiltrimit në skemën kombëtare të ndërtimit të parave të krimit të organizuar shqiptar dhe të zyrtarëve të korruptuar shqiptarë, çmimet bëhen gjithmonë e më ta papërballueshme për shumicën dërrmuese të shqiptarëve, në veçanti për çiftet e reja. Kemi hyrë në një proces vicioz vetshkatërrimi, fryt dhe dhuratë e qeverisë më të korruptuar dhe kryebashkiakëve më të korruptuar dhe të inkriminuar në 34 vite”, tha Basha.
