Ditën e sotme në emisionin ‘Breaking’ ka qenë e ftuar motra e Olta Gixharit, Gerta Gixhari. E pyetur nga gazetarja nëse bashkëshorti i Oltës ka hequr dorë nga loja e saj dhe nuk është duke e mbështetur më, Gerta ka treguar se kjo gjë nuk është e vërtetë dhe është thjesht një “trillim” rrjetesh sociale, portalesh dhe fansash.
Ndër të tjera Gerta ka komentuar edhe gjithë histerinë e rrjetit e reagimet e tyre lidhur me Oltën dhe lojën e saj brenda shtëpisë.
“Unë nuk e kam parë fare këtë lajm. Deri dje ata thoshnin që ai paguan para. Njerëzit shpikin lloj-lloj gjërash. Komentuesit janë të pritur të denigrojnë figurën. Ata futen deri tek anëtarët e familjes dhe për mua kjo gjë nuk është e drejtë. A thua se po futemi ne në familjet e tyre dhe po u marrim bukën e gojës, megjithatë shqiptarët kështu janë dhe do përballemi me komente të tilla”– tha Gerta Gixhari.
