Disa minuta më parë Bashkimi Evropian konfirmoi zyrtarisht se drejt Shqipërisë do të nisen 2 helikopterë, një nga Çekia dhe një nga Holanda, për të ndihmuar Shqipërinë në fikjen e zjarreve.
Në lidhje me këtë lajm ka reaguar kreu i Partisë Demokratike, Lulzim Basha, i cili ka përshëndetur Bashkimin Europian pas lajmit se unioni ka aktivizuar Mekanizmin e Mbrojtjes Civile. Përmes një postimi në ‘Twitter’, Basha thekson se ky është një lajm i mirë përballë një momenti kritik.
“Aktivizimi i Mekanizmit të Mbrojtjes Civile nga Bashkimi Europian për Shqipërinë dhe vendet e rajonit, është një lajm shumë i mirë në këtë moment kritik të përballjes me zjarret. Mirënjohje Bashkimit Europian për ndihmën, përherë një mik i mirë në kohë të vështirë”, shkruan Basha
/Priza.al/
