Tema që po diskutohet sot në Kuvend është ndarja ose jo e Shqipërisë nga Maqedonia e Veriut për çështjen e Integtrimit në BE. Disa ditë më parë deputetët e LSI dhe të Rithemelimit në Kuvend kanë kërkuar mocion me debat urgjent me kryeministrin Rama në Kuvend për deklaratën e tij se Shqipëria do të kërkojë ndarjen nga Maqedonia e Veriut nëse në qershor nuk bëhen përparime për çështjen e integrimit.
Taulant Balla ka thënë se kërkesa e paraqitur në Kuvend është pa firmën e Berishës.
“Dy fjalë për aspektin formal lidhur me paraqitjen e kërkesës. Kjo kërkesë nuk përmbush atë që përcakton neni i rregullores, dhe aspekti formal nuk përmbushet. Dua ta falenderoj propozuesin dhe propozuesit, se në kërkesë që është në Kuvend nuk është kërkesa që ka qarkulluar në media, këtu nuk është firma e non gratës, te ajo që ka qarkulluar në media është. Bëni mirë që keni reflektuar se nëse është firma e non gratës ajo refuzohet direkt. Në rast se në qershor nuk do mbahet konferenca e parë ndërqeveritare për shkak të vetos së Bullgarisë ndaj Maqedonisë Shqipëria të ketë të drejtën të kërkojë ndarjen nga ajo është në të drejtën tonë”, tha Balla.
