Besnik ndaj stilit të tij, lideri historik i së djathtës shqiptare u kërkoi demokratëve që të përgatiten për protestat më të fuqishme qe vendi nuk i ka njohur më parë, për të larguar qeverinë.
Nga Elbasani ku organizoi “Foltoren” e radhës, Berisha u shpreh se Rama nuk duhet të luajë me shqiptarët dhe me çmimet.
Me tone të ashpra, ai iu drejtua kryeministrit duke i thënë se “kur të ngrihemi ne në këmbë në protestë nuk shqitemi nga rruga pa të hedhur aty ku e meriton”.
“Ne duhet të përgatitemi për protestat më të fuqishme që ka njohur vendi. Protestë, protestë dhe vetëm protestë. Edi Rama duhet ta dish mirë se kur të ngrihemi ne në këmbë në protestë nuk shqitemi nga rruga pa të hedhur aty ku e meriton.
Mos luaj me çmimet, mos luaj me kafshatën, se shqiptarët paguajnë kafshatën 80 herë më shtrenjtë sesa hanë qytetarët e vendeve të BE, ata paguajnë naftën për shkak tendin njëlloj si qytetarët e Zvicrës, të cilët kanë një rrogë mesatare 6 mijë euro, kundrejt 400 euro që marrin shqiptarët.
Mos luaj me shqiptarët, mos luaj me çmimet. Ne do ngrihemi në këmbë. Ne po ngrihemi në këmbë si opozitë e vërtetë, si opozitë që besojmë tek liria dhe si opozitë që do i tregojmë vendit siç i treguam në 90. Ndaj dhe ftoj demokratet të përgatitemi për një betejë deri në fitoren tonë të plotë dhe fitoren e merituar”, tha ndër të tjera Sali Berisha.
/Priza.al/
