sh-kryeministri Sali Berisha me anë të një postimi në facebook ka reaguar për sulmin ndaj avokatit Sokol Mëngjesi. Berisha shprehet se pas aktit të plagosjes së rëndë të Mëngjesit qëndron Edi Rama.
Sipas tij askush tjetër përveç Ramës nuk ishte i interesuar që të qëllohej avokati Mëngjesi. “Një akt i tillë do ishte i ngjashëm sikur të vrasësh në gjumë në shtëpinë dhe bukën tënde bamirësin tënde”, shkruan Berisha.
Më tej ai shprehet se “qëndrimi i Policisë ndryshoi disa herë gjatë ditës së parë, fillimisht me mediat që kontrollon ajo hapi fake news se ishte një zënkë e rastit.
Më vonë me dërgimin në spital të Prof. Mëngjesit njoftoi se sulmi ndaj tij kishte lidhje me çështje prone për të krijuar përshtypjen se ishte sherr i rëndomtë midis pronarëve. Në një komunikate tjetër shprehej se gjendja ishte e stabilizuar ndërkohë që gjendja po rëndohej me shpejtësi”.
