Kryetari i Partisë Demokratike Sali Berisha ka zhvilluar sot një takim me të rinjtë e FRPD.
Në fjalën e tij ai e quajti momentin kritik për demokracinë dhe të ardhmen. Berisha u shpreh se në 8 vite vendi humbi 35 përqind të popullatës.
“Të dashur anëtarë dhe anëtare të FRPD-së!
Takimi me ju është një takim jashtëzakonisht i rëndësishëm. Është një takim në një moment, kritik për vendin, për demokracinë, për të ardhmen. Tre ditë më parë Eurostati njofton se nga 2014 deri në fund të 2022 numri i shqiptarëve të larguar vetëm në hapësirën e BE-së, ka arritur 934 mijë vetë.
Ka arritur pra në më shumë se 33% të popullatës, por po të shtojmë këtu edhe ata që janë larguar në vendet jo anëtare të BE-së, kjo shifër shkon edhe te 35% së paku. Imagjinoni se në çfarë situate është katandisur sot, ky komb dhe ky vend. Kur lexon këto shifra dhe sheh ju këtu, secili mund të habitet se edhe pse ju nuk keni ikur.
Jetojmë sot në një kohë kur ky vend braktiset dhe vetën braktiset. Braktiset natën, ditën, braktiset me anije, braktiset me rrugë tokësore, braktiset me rrugë ajrore. Ju garantoj se nuk po braktiset vetëm vendi nga popullata, por po braktiset e nesërmja për vendin. Ky vend nëse vazhdon kështu, nuk ka të nesërme, nuk ka të ardhme.
Ky vend sot ka nevojë më shumë kurrë të shpëtohet. Luftërat i largojnë njerëzit, në luftëra vdesin nga fronti, nga sëmundje nga shumë probleme. Vendi që është pakësuar në histori më shumë nga luftëra dhe ishte luftë botërore ka qenë Polonia dhe ajo ka humbur 20%, të popullit të vet, me të vrarë, me largim etj. Shqipëria humbet në një hark kohore 8 vjeçar, 35 % të popullsisë së vendit.
Shqipëria ka nevojë të shpëtohet.
Shpopullimi ndodh sepse Rama po vret shpresën tek shqiptarët. Ky grup kriminal që qeveris nuk ka asnjë interes tjetër as kombëtar e as shoqëror, përveç interesit të pushtetit dhe pasurimit të tyre.
Porti i Durrësit përfundon i tëri në pronësi të një grupi kriminal.
Në vend që pasuritë të shtohen në kushte jete për qytetarët, shndërrohen në mallkim”, ka deklaruar ai.
