Ish-kryeministri Berisha, nga Pogradeci, aty ku prezantoi kandidatin për zgjedhjet e 14 majit, akuzoi zv.kryeministren Belinda Balluku se me vendimin e saj për të sjellë dy anijet gjeneratorë në Vlorë, po i merr qytetarëve 64 milionë dollarë.
Sipas tij kosto e prodhimit të energjisë përmes këtyre anijeve është më e lartë se çmimi në bursë.
“Sot ka sjellë Belinda Balluku dy gjeneratorë monstra, të cilët ishin në Bangladesh. Kosto e prodhimit të energjisë me ata ishte 2-3 herë më e lartë se në bursë. Prodhimi i energjisë në Shqipëri është 2 terravat më shumë sesa nevoja. Ju i paguani tigrave të belindës nga 90 mijë dollarë. Në fund të dy viteve këto janë fiks 64 milionë dollarë. Edi Rama ka përdorur korrupsionin duke blerë deklarata poshtë e përpjetë dhe thotë se Amerika nuk korruptohet. Amerika nuk korruptohet por McGonigal korruptohet” – tha Berisha.
Lidhur me këtë çështje edhe redaksia jonë ka përgatitur një shkrim investigues në të cilin paraqiten qartë të gjitha ato që fshihen mbi këtë aferë dukshëm korruptive.
Sipas Berishës zgjedhjet janë shumë më tepër se sa lokale. “Kurrë nuk kam qenë dhe nuk do jem kundër të pasurve, por sa të jem gjallë në politikë të parin do të vendos qytetarin, hallet dhe dertet e tij dhe nuk do bëhem kurrë pjesë e asaj amalgame pushtet- oligarki që u thith gjakun çdo ditë qytetarëve me vjedhjet dhe plaçkitjet e tyre. Zgjedhjet e 14 majit janë zgjedhje për ndryshimin. Ne sot jemi njerëzit më të vjedhur dhe më të varfër në Europë” – përfundoi ish-kryeministri.
