Sulmuesi norvegjez Erling Haaland do të humbasë ndeshjet kualifikuese për Euro 2024 kundër Spanjës dhe Gjeorgjisë.
Haaland mori një dëmtim në ijë në fitoren çerekfinale të FA Cup të Manchester City ndaj Burnley-t, tha të martën Federata Norvegjeze e Futbollit.
Haaland, i cili ka 21 gola në 23 paraqitje për Norvegjinë, ka qenë në formë të shkëlqyer këtë sezon, duke shënuar 42 gola për Cityn.
“Pasi bëri testet dhe ekzaminimet dje, u bë e qartë se ai nuk do të bëjë ndeshjet kundër Spanjës dhe Gjeorgjisë”, tha mjekja e kombëtares Ola Sand. “Është më mirë që ai më pas të marrë ndjekjen mjekësore në klub”.
