Më në fund, pas një ‘lufte’ të gjatë që bëri e bija për të fituar lirinë, babai i Britney Spears ka rënë dakord të japë dorëheqjen si kujdestar i këngëtares pas 13 vitesh.
Lajmi raportohet nga mediat amerikane. Karriera e këngëtares ka qenë në duart e kujdestarëve ligjorë që nga përhapja e lajmeve se ajo nuk ishte mire nga shëndeti mendor në vitin 2008. Si pasojë, Gjykata i dha babait të saj të drejtën e kontrollit të pasurisë së saj dhe të gjitha gjërat personale të këngëtares.
39-vjeçarja në shumë nga daljet e saj por edhe para Gjykatës, ka pohuar se i ati, Jamie Spears ka abuzuar me kujdestarinë e saj por babai ka mohuar çdo akuzë duke thënë se gjithçka e ka bërë për vajzën dhe se ajo ka probleme me shëndetin mendor.
Britney ka shkuar edhe më tej me akuzat e saj duke i thënë një gjykatësi se ajo ishte droguar, e detyruar të vepronte kundër vullnetit të saj dhe ishte ndaluar të kishte fëmijë.
Për lirinë e Britney filloj edhe një lëvizje e njohur si fushata #FreeBritney të cilët dëshironin që këngëtarja të rimarrë autonominë në punët dhe jetesën e saj.
/Priza.al/
