Tre ditë më parë tentuan që të arratiseshin nga burgu 313 në Tiranë me çarçaf, por sot duket se atyre nuk u bënë përshtypje që kanë mbi supe edhe një tjetër dënim tashmë.
Arbër Çekaj dhe Fatmir Pjetri, kanë dalë ditën e sotme para Gjykatës së Tiranës për t’u njohur me masën e sigurisë në lidhje me arratisjen e dështuar nga burgu.
Të buzëqeshur dhe duke bërë mimika, Çekaj dhe Pjetri, po presin vendimin.
Ata tentuan disa ditë më parë të arratiseshin duke zbatuar një skenar si nëpër filma, por nuk ia dolën dhe në përpjekje e sipër plagosën edhe një gardian.
Tashmë ata do të njihen me vendimin e Gjykatës për ta teksa kanë dënime të mëparshme.
/Priza.al/
