Edhe pak ditë na ndajnë nga fillimi i vitit të ri shkollor. Por gëzimit dhe entuziazmit të fëmijëve që ulen për herë të parë në bankat e shkollës, prindërit duhet t’i përgjigjen me një përzgjedhje të kujdesshme të çantës që do të mbajë brenda librat e tyre.
Sipas mjekeve ortopedë, çanta te mëdha te shkollës të mbushura me shumë libra janë një ndër faktorët që ndikojnë në shtrembërimin e shtyllës kurrizore dhe krijimin e skoliozave te cilat janë shtuar shumë të fëmijët e shkollave
“Mesatarisht janë 4-5 raste në javë, por këto janë ato që kapen nga prindërit. Ndërkohë që nuk dallohet lehtë deri kur të fillojë dhimbja”- shprehet Zamir Demiraj, shef i shërbimit të ortopedisë në Spitalin e Traumës.
Por sa duhet të peshojë çanta që mban në shpinë nxënësi?
“Pesha e çantës nuk duhet të kalojë 10 % të peshës trupore të fëmijës”- shton Demiraj.
Përveç çantës se shkollës edhe përdorimi i teknologjisë ndikon në përkeqësimin e skoliozave, sipas mjekut nëse kapen në kohë këto shtrembërime të shtyllës kurrizor siç janë skoliozat ato mund të rikuperojnë me fizioterapi duke e ndjekur ne mënyre të vazhdueshme nga gjashte muaj deri dhe dy vjet fëmijën.
Një skolizoe e patrajtuar sipas mjekut në moshën adulte do të çojë në dhimbje duke prishur cilësinë e jetës./ TCh
