Gary Neville, ish-lavdia e Manchester United dhe aktualisht komentator sportiv për ‘Sky Sports’, u injorua nga Cristiano Ronaldo këtë të dielë, kur sulmuesi shkoi për t’u ngrohur në fushën e ‘Old Trafford’ para ndeshjes ndaj West Ham.
Zakonisht, portugezi i përshëndet komentuesit e pranishëm, por këtë herë nuk e bëri një gjë të tillë me ish-bashkëlojtarin e tij te “Djajtë e Kuq”, gjë që nuk ndodhi me Louis Saha dhe Jamie Redknapp.
Ajo që i ndodhi Nevillit i kishte ndodhur më parë Jamie Carragher në gusht dhe ish-mbrojtësi i Liverpoolit, gjithashtu një komentues sportiv, bëri shaka për situatën në rrjetet sociale.
“Mirë se erdhe në klubin e atyre që janë injoruar nga Ronaldo”,- ka shkruar Carragher në Twitter. “Dhe ne jemi jashtë listës së dhuratave të Krishtlindjeve gjithashtu…,”- u përgjigj Neville.
Cristiano Ronaldo a ignoré Gary Neville comme il l’a fait avec Carragherpic.twitter.com/kAWqZbCTaA
— Gio CR7 (@ArobaseGiovanny) October 30, 2022
