“Po vjen Era Mozz” shkroi Mozzik për të prezantuar projektin e ardhshëm me Era Istrefin, por mesa duket era iku shpejt, sepse kënga u anulua.
Vendimin e bëri të ditur Mozzik përmes një postimi në Instagram, pa dhënë detaje të mëtejshme për arsyen e mospublikimit të këngës.
“Projekti me Era Istrefin anulohet. Ju kërkoj falje të gjithëve për pritjen! Shihemi shumë shpejt me projekte të reja!”, shkroi reperi.
Nga ana tjetër, Era nuk ka reaguar. Të dy këngëtarët, të cilët nuk e ndjekin njëri-tjetrin në Instagram, kanë fshirë edhe postimin promovues të këngës. Në disa komente, njerëzit shkruajnë se mund të jetë thjesht lojë. Pra, strategji marketingu, por kjo për momentin është e paqartë.
