Kohëve të fundit në SHBA dhe në Kanada po ndodhin shumë sulme me armë zjarri në turma të mëdha njerëzish të cilat po marrin shumë jetë. Vetëm pa u bërë ende disa orë nga sulmi në Florida ku ndërruan jetë 2 persona, një tjetër sulm me armë këtë herë në Kanada ka marrë jetën e një qytetari dhe ka plagosur 4 të tjerë.
Ngjarja ka ndodhur në kryeqytetin e Ontarios, Toronto në Kanada. Mediat vendase shkruajnë se një agresori ka qëlluar me armë në sheshin Glen Erin Drive rreth orës 19:00.
Menjëherë pas sulmit, autori është larguar nga vendi i ngjarjes në këmbë dhe kjo gjë ka ngjallur panik tek qytetarët pasi agresori është ende i lirë dhe mundësitë për të krijuar një sulm tjetër janë të mëdha. Policia edhe pse ende nuk e ka identifikuar autorin e ngjarjes, ka qetësuar qytetarët duke thënë se janë në gatishmëri për të mbrojtur jetët e tyre.
