Preferoni t’i qëroni frutat dhe perimet përpara se t’i hani? Edhe pse shumica prej nesh zgjedhin këtë taktikë për të shmangur mbetjet e pesticideve që mund të fshihen në lëkurë, duhet të kemi parasysh lëndët ushqyese që po humbasim.
Lëkurat e frutave dhe perimeve përmbajnë komponime të vlefshme si vitamina, minerale, fitokimikate dhe antioksidantë. Nëse nuk konsumojmë sasi të mjaftueshme të këtyre elementëve të rëndësishëm, rrezikohemi nga sëmundje kronike si sëmundjet kardiovaskulare dhe diabeti i tipit 2.
Në fakt, deri në vitin 2017, Organizata Botërore e Shëndetësisë raportoi se afërsisht 3.9 milionë vdekje në vit në mbarë botën janë për shkak të konsumit të pamjaftueshëm të frutave dhe perimeve.
Vitamina C, vitamina B2, por edhe minerale si hekuri dhe zinku, gjenden në lëvoren e panxharit, karotës, patatja e ëmbël, rrepa, xhenxhefili dhe patatja e bardhë.
Sa i përket mollëve me lëkurë, ato përmbajnë 15% më shumë vitaminë C, 267% më shumë vitaminë K, 20% më shumë kalcium, 19% më shumë kalium dhe 85% më shumë fibra sesa mollët pa lëkurë.
Një arsye tjetër për të mos hedhur lëvoren është mbrojtja e mjedisit. Sipas Organizatës së OKB-së për Ushqimin dhe Bujqësinë, mbetjet ushqimore, duke përfshirë lëkurën, krijojnë 8%-10% të emetimeve globale të gazeve serrë.
