E kuqja
E kuqja simbolizon gjakun, vetë thelbin e jetës. Si e tillë, nëse preferoni ngjyrën e kuqe, jeni njerëz optimistë, e doni jetën dhe e jetoni atë plotësisht. Jeni ambiciozë, intensivë, të fortë dhe energjikë.

Mund të jeni konkurrues dhe punoni shumë për të mbërritur synimet tuaja. Ju doni të jeni qendra e vëmendjes, dhe jeni ‘alfat’ e kësaj bote. Ata që e duan ngjyrën e kuqe, preferojnë të udhëheqin. Sidoqoftë, mund të jeni të vrazhdë dhe agresivë në ndjekjen e qëllimeve tuaja.

Portokalli
Portokallia, është një ngjyrë shumë sociale, e cila lidhet shpesh me të rinjtë. Ajo është një ngjyrë e shpirtrave të lirë, por edhe e dashurisë për jetën dhe ngjarjeve festive. Ju keni qejf të mblidhni njerëzit për të festuar, por marrja e përgjegjësive nuk është pika juaj e fortë.

Më mirë lërjani atë personave më të pjekur. Jeni tipa të shoqërueshëm, dhe nuk keni ndonjë ligësi të fshehur ne mendje. Nuk jeni paragjykues, dhe ju pëlqejnë njerëzit, derisa t’ju japin një arsye për të kundërtën.

E verdha
E verdha është ngjyra e diellit, dhe sugjeron optimizëm dhe ngrohtësi. Njerëzit që e duan këtë ngjyrë, janë gjithashtu mendimtarë kritikë. Kjo për shkak se ana e majtë logjike e trurit, përputhet me ngjyrën e verdhë. Për rrjedhojë, nëse e doni ngjyrën e verdhë, do të jeni të aftë në zgjidhjen e problemeve.

Ngjyra e verdhë, është mbi të gjitha njohuritë. Por jo vetëm në mbledhjen e informacionit të ri, por edhe duke qenë në gjendje t’ja komunikoni këtë informacion të tjerëve. Ju jeni një person i pavarur, që prireni të keni pak miq shumë të ngushtë.

Rozë
Roza është ngjyra e romancës. Një ngjyrë vërtet femërore, dhe përfaqëson aspektet femërore të personalitetit të dikujt. Është një ngjyrë e butë dhe e pafajshme, dhe ata që e preferojnë atë janë në kërkim të dashurinë, pranimit dhe mirësisë. Ajo ka një cilësi fëmijërore, që tregon një nevojë për mbrojtje. Kjo ngjyrë përfaqëson romantikët e vërtetë, që besojnë në dashurinë e pakushtëzuar dhe të pakomplikuar.

Purpurt
Ngjyra e purpurt është e lidhur me spiritualitetin, pasurinë dhe monarkitë. Por nëse është ngjyra juaj e preferuar, ky është një tregues i kreativitetit tuaj. Kjo dëshmon se jeni një individ unik që ndiqni ritmin tuaj. Jeni njerëz të pazakontë, që nuk shqetësohenipër atë që mendojnë të tjerët.

Mund të jeni shumë empatikë, dhe besoni në mirëqenien e të tjerëve. Shpesh ata që e duan këtë ngjyrë, janë të përfshirë në kauza humanitare, pasi ngjyra e purpurt është e lidhur me një personalitet më të pjekur, dhe me një kuptim më të lartë shpirtëror.

Blu
Ka një arsye se përse uniformat janë shpesh ngjyrë blu, dhe sepse bluja është një ngjyrë harmonike e lidhur me traditën dhe rendin. Nëse ju pëlqen kjo ngjyrë, atëherë ju preferoni stabilitetin dhe jetën e organizuar. Nuk ju pëlqejnë surprizat, dhe prireni t’i planifikoni gjërat paraprakisht. Ju keni gjithashtu parime të forta, të cilat nuk kanë gjasa të ndryshojnë gjatë gjithë jetës suaj. Ju nuk jeni rebelë në shoqëri, dhe jeni të prirur të jeni ata që mbështesin ligjin, në vend se ta thyeni atë.

Jeshile
Jeshilja është ngjyra e natyrës, dhe nëse është e preferuara juaj, atëherë nuk ka të ngjarë të jetoni në mes të qytetit. Jeni tipa që keni nevojë për hapësira të blerta ​​përreth. Vlerësoni miqtë dhe familjen tuaj, pasi dashuria është e rëndësishme për ju. Jeni njerëz besnikë.

Pasi bëni një mik, do ta keni të tillë për gjithë jetën. Jeshilja nënkupton rritjen, jetën, balancën dhe energjinë. Ju jeni në gjendje të shihni larg, dhe ta balanconi jetën tuaj mes punës dhe kohës së lirë, familjes dhe miqve. Jeni njerëz të drejtë dhe të ndershëm, dhe shumë njerëz vijnë tej ju për këshilla.

Kafe
Është një ngjyrë që tregon njerëzit që janë shumë të besës. Nëse keni një mik që vesh shumë rroba me këtë ngjyrë, atëherë dijeni se ai është shumë ndihmues, dhe nuk do t’ju lërë asnjëherë vetëm. Ata e pëlqejnë jetën e thjeshtë, dhe nuk janë ekstravagantë.

E zeza
Shumë njerëz që preferojnë, janë tipa mjaft neutralë në aspektin e emocioneve. Tek të rinjtë, kjo është një shenjë e rebelimit. Tek gratë e moshuara, kjo tregon një nivel sofistikimi. Disa njerëz vishen me të zeza për t’u fshehur, kur nuk duan të mos bien në sy. E zeza cilësohet ndërkohë edhe një ngjyrë sensuale.

E bardhë
Është një ngjyrë e vështirë për t‘u veshur. Si e tillë, ata që e preferojnë, priren të pëlqejnë një jetë të organizuar, pa rrëmujëra dhe të papritura. Ata kanë standarde të larta, dhe nuk bëjnë kompromise. Ata janë gjithashtu të sigurtë në aftësitë e tyre. Kur visheni me të bardha, nuk mund të fshehni dot asnjë mangësi.

Gri
Kjo është një ngjyrë neutrale, që tregon një person praktik, që mund të bëjë kompromise atëherë kur duhet. Tipikisht, ata që duan grinë janë shumë punëtorë, dhe konservatorë në pikëpamjet e tyre. Megjithatë, herë pas here mund t’ju mungojë energjia dhe besimi