Konkurrentet e “Dance Albania” Cindy Marina dhe Adelina Tahiri ishin dy finalistet përballë njëra-tjetrës në garën e vallëzimit të spektaklit të madh. Pas eliminimit të Melisa Lleshit gjatë mbrëmjes, televotimi i publikut u rihap për të zgjedhur fituesen.
Diferenca e votave midis dy konkurrenteve ishte e vogël dhe rezultatin e ndante vetëm një përqindje e vogël. Momenti i shpalljes së fitueses që ka arritur të fitojë zemrat e publikut në këto 14 javë vallëzimi ishte shumë emocionues.
Kupa e “Dance Albania” shkoi për Adelina Tahirin.
“Shumë emocione, kjo ka qenë një ëndërr e madhe kështu që ëndrra ime u realizua”,- u shpreh këngëtarja e emocionuar teksa falënderoi sërish për mbështetjen.
