Agjentët e Policisë Kombëtare spanjolle kanë çmontuar dy laboratorë të përpunimit të kokainës pas më shumë se dy vite hetimesh. Bëhet me dije se policia spanjolle ka sekuestruar më shumë se 800 kilogramë drogë në Barcelonë.
Pas zbulimit policia ka bërë të mundur çmontimin e plotë të një organizate kriminale me qendër në provincën e Barcelonës dhe e dedikuar për prodhimin e kokainës, si dhe shpërndarjen e saj në të gjithë territorin kombëtar.
Agjentët kanë arrestuar shtatë persona dhe kanë sekuestruar një sasi të madhe lëndësh për prodhimin e kokainës, 152 mijë euro, pesë automjete, një armë zjarri, kapakë, presa hidraulike, pajisje elektronike dhe sende të tjera të vlefshme.
Gjithçka ka nisur kur agjentët janë vënë në dijeni për ekzistencën e një organizate kriminale, me origjinë dominikane, që dyshohet se prodhonte kokainë, në zemrën e Europës. Në fazën e parë të hetimit, agjentët arrestuan dy persona dhe sekuestruan 33 kilogramë kokainë dhe 52 mijë euro cash.
Pas disa përpjekjeve të policisë, hetuesit filluan të identifikonin anëtarët e dyshuar të organizatës, duke dëshmuar se ata ishin me bazë në provincën e Barcelonës. Në fillim të gushtit të kaluar, në një fazë të dytë të hetimit, agjentët vëzhguan një nga të dyshuarit kryesorë duke u takuar me një person tjetër. Pasi është larguar, ky i fundit me një çantë të dyshimtë, është identifikuar. Brenda çantës së përmendur, agjentët gjetën tre blloqe kokainë me peshë totale prej 3332 gramësh.
Gjithashtu, në kontrollin e shtëpisë së tij në Badalona janë gjetur edhe dy kilogramë e gjysmë lëndë narkotike, si dhe 25.180 euro, 2.300 franga zvicerane, një orë me vlerë 6.000 euro, një celular me vlerë 1.600 euro dhe një motoçikletë. Disa ditë më vonë, hetuesit arrestuan tre persona të tjerë dhe kryen pesë kontrolle shtëpish në vende të ndryshme në Barcelonë, Montgat, Alella, Badalona, Santa Coloma de Gramanet dhe Barcelona.
Në kontrollin e kryer në Alella, agjentët çmontuan një laborator klandestin ku kryhej përpunimi dhe më pas përgatitja e kokainës, ndërsa në Montga gjetën dy çerdhe me lëndën narkotike të përgatitur tashmë për t’u shpërndarë. Përveç kësaj, agjentët gjetën 497 kilogramë kokainë, një armë zjarri, 75,120 euro cash, pesë automjete, 12 celularë, gjashtë ora të cilësisë së lartë dhe një makineri numërimi parash.
Ata sekuestruan gjithashtu enë të shumta dhe një sasi të madhe lëndësh kimike për prodhimin e kokainës, ku përfshihet një presë hidraulike dhe 15 fuçi. Nga ana tjetër, kjo fazë e tretë bëri të mundur verifikimin se kallëpet përputheshin me anagramet e blloqeve të sekuestruara në fazën e mëparshme.
Në fund, agjentët arrestuan një person tjetër në Barcelonë për përfshirjen e tyre të dyshuar në ngjarjet nën hetim. Në kontrollin e shtëpisë së tij, që ndodhet në qytetin El Masnou të Barcelonës, ata çmontuan një laborator të dytë të përpunimit dhe prodhimit të kokainës, më i vogël se ai i mëparshmi dhe sekuestruan 292 kilogramë lëndë dhe një sasi të madhe produktesh kimike (pararendëse), të përbërë nga 1250 litra heksan dhe 198 litra bisulfit natriumi.
Operacioni ka përfunduar me arrestimin e shtatë personave dhe sekuestrimin e 836,871 kilogramë kokainë në total, si dhe 3,450 litra produkte kimike, 152,000 euro para cash, pesë automjete, një armë zjarri, kapo, presa hidraulike, pajisje elektronike dhe efekte të tjera me vlerë të madhe.
