Ron Zaiti dhe Dafina Zeqiri, kanë bashkuar sërish forcat për një bashkëpunim muzikor. “Boma ni tel”,- titullohet kënga që bëri bashkë dyshen. Ajo është një nga divat e muzikës shqiptare që padyshim sjell shumë këngë të cilat kthehen menjëherë në hite.
Duket se artistja nuk ka ndërmend të ndalet duke sjellë projekte të reja muzikore dhe sapo publikoi surprizën e saj të radhës. Ajo është pjesë e një prej këngëve, që publikoi Ron Zaiti, miku dhe bashkëpunëtori më i mirë i saj. Ashtu si nuk zhgënjen kurrë, videoklipi i këngës është shumë i veçantë dhe bukuroshja shfaqet si një ‘pirate’ e vërtetë.
Ron Zaiti është një nga reperat më të rinj të momentit dhe pjesë e grupit të ‘Money Team’. Në vetëm pak kohë reperi ka publikuar projekte muzikore shumë të suksesshme, ku disa prej tyre janë bashkëpunime me këngëtaret e njohura Dafina Zeqiri dhe Semi Jaupaj, këngë të cilat janë pëlqyer shumë dhe numërojnë miliona klikime.
https://www.youtube.com/watch?v=_FDROGhEn0w
