Andres Iniesta ka folur së fundi në lidhje me jetën dhe karrierën si futbollist. Ish-ylli i Barcelonës ka rrëfyer se ka pasur probleme me depresionin.
Në një intervistë të dhënë së fundmi, Iniesta është pyetur se si është e mundur që një person që ka miliona të vuajë nga depresioni dhe përgjigja e tij ishte që problemet mendore nuk pyesin për miliona.
Jeta e një futbollisti dhe milioneri të famshëm mund të duket e bukur, por ka anën e saj të errët. Ju gjithashtu keni vuajtur depresion i rëndë vite më parë, pse i ndodh kjo dikujt që duket se ka gjithçka?
Sepse depresioni është diçka që u ndodh njerëzve dhe nuk ka rëndësi profesioni apo gjendja juaj ekonomike. Janë probleme që ju vijnë pa e ditur mirë pse dhe që duhet t’i përballoni dhe t’i kapërceni. Në këtë proces maturimi, secili e përballon atë në një mënyrë të ndryshme. Të kesh pak a shumë para nuk ka asnjë ndikim në këto raste. Një pozicion i mirë ekonomik të ndihmon shumë në jetë, por nuk të çliron nga një episod i vështirë mendor si ai që kalova./Super Sport
