Dështimet e Luftës së Irakut formësuan thellësisht agjencitë amerikane të spiunazhit dhe një brez të oficerëve të inteligjencës dhe ligjvënësve. Ato ndihmuan për riorganizim të madh të komunitetit të inteligjencës amerikane, me CIA-n që humbi rolin e saj mbikëqyrës mbi agjencitë e tjera të spiunazhit dhe reformat që synonin të lejonin analistët të vlerësonin më mirë burimet dhe të sfidonin përfundimet për paragjykime të mundshme
Në zyrën e tij të Kapitolit të SHBA-Së, kongresisti Jason Crow ruan disa kujtime lufte. Vendosur në një raft janë etiketat e tij të identifikimit ushtarak, copëzat e një mortaja të shkrepur dhe një copëz e ndaluar nga armatura e trupit të tij.
Dy dekada më parë, Crow ishte drejtues 24-vjeçar toge në pushtimin amerikan të Irakut. Anëtarët e togave mbanin maska gazi dhe pajisje për t’i veshur mbi uniforma për t’i mbrojtur nga armët kimike që SHBA-ja besonte – gabimisht – se forcat irakiane mund t’i përdornin kundër tyre.
Sot, Crow ulet është pjesë e komiteteve që mbikëqyrin ushtrinë dhe agjencitë e inteligjencës amerikane. Gabimet e Irakut janë ende të freskëta në mendjen e tij.
“Nuk është hiperbolë të thuash se ishte një përvojë që ndryshon jetën dhe një kornizë jete përmes së cilës unë shoh shumë nga puna ime”, tha demokrati i Kolorados.
