Një ngjarje e rëndë ndodhi në fshatin Remas të Divjakës ku 58-vjeçari Andrea Stasa ka mbytur babanë e tij Mitër Statsa. Detaje të reja kanë dalë nga vrasja e të moshuarit, ku djali i tij për motive të dobta, djali është grindur me babain dhe pasi e ka goditur të atin me grushte dhe më pas e ka mbytur atë me duar.
Burime të sigurta pohojnë se autori, Andrea Stasa, 58 vjeç, në momentin që është kapur nga policia ka qenë në gjendje të dehur. I moshuari, Mitër Stasa, jetonte me dy djemtë e tij, të cilët thuhet se janë të sëmurë mendor, dhe me kartelë.
Njoftimi i Policisë:
Sot më datë 06.07.2022, është gjetur në banesë pa shenja jete dhe me shenja dhune, shtetasi M. S., 85 vjeç, banues në Remas, Divjakë.
Nga hetimet paraprake autor i dyshuar i vrasjes së 85-vjeçarit dyshohet se është djali i tij, shtetasi A. S., 58 vjeç, i cili dyshohet se për motive të dobëta e ka mbytur.
Është shoqëruar në Komisariatin e Policisë Divjakë shtetasi A. S., dhe po punohet për zbardhjen e rrethanave të ngjarjes.
