Një ngjarje aspak e hijshme dhe e zakonshme, ka ndodhur në një nga rrugët më kryesore dhe më të populluara të kryeqytetit këtë mbrëmje.
Në Rrugën e Kavajës, një kalimtar ka dhunuar një grua pranë xhamisë “Dine Hoxha”.
Dëshmitarët në vendngjarje rrëfyen se një kalimtar i rastit ka dhunuar dhe bërë për spital një grua, e cila kishte dalë bashkë me dy fëmijët e saj të mitur për të lypur.
Nuk dihen rrethanat se si ka ndodhur ngjarja, ndërsa kanë ndërhyrë qytetarët e rastit për të ndalur burrin nga veprimi i dhunshëm.
Fill pas kësaj, ata njoftuan policinë dhe ambulancën, e cila transportoi nënën e dy fëmijëve në spital.
Siç shihet edhe nga pamjet e publikuara nga “Balkan Web”, në vendin ku ndodhi incidenti erdhi edhe një autoambulancë dhe një autopatrullë policie.
/Burimi: BW/ Priza.al/
