Të rrisësh një fëmijë është një përgjegjësi e madhe, e cila kërkon përkushtim dhe durim të madh. Pavarësisht nëse keni të bëni me një fëmijë të prapë apo një adoleshent rebel, është e rëndësishme ta kuptoni fëmijën tuaj dhe ta bëni të ndihet i rëndësishëm. Ja disa hapa që e bëjnë fëmijën tuaj të mësojë për durimin dhe disiplinën.
Lavdëroni fëmijën tuaj
Prindërit duhet t’i shpërblejnë fëmijët e tyre për respektimin e rregullave, kur rregullojnë shtratin e tyre, kur pastojnë tryezën e studimit ose kur ndajnë me vëllain ose motrën gjërat e tyre.
Ndiqni rregullat
Bëjeni zakon të ndiqni disa rregulla në lidhje me jetën tuaj të përditshme. Duke parë prindërit e tyre që ndjekin një sërë rregullash të caktuara, do t’i bindë ata të përmirësojnë zakonet e tyre. Kjo është një nga mënyrat më të mira dhe më të shpejta që fëmijët të mësojnë.
Lërini të marrin vendimet e tyre
Lëreni fëmijën tuaj të marrë vendimet e tij/saj. T’u jepni atyre lirinë për të jetuar jetën e tyre sipas kushteve të tyre është çelësi për ta sjellë fëmijën tuaj në rrugën e duhur. Lërini ata të vendosin dhe t’u përgjigjen disa pyetjeve, të tilla si, “A doni të vishni këmishën e natës apo pizhamet?” ose “Si dëshiron të vishesh në një festë?”
Përgatitni një orar ditor
Kjo do të zvogëlojë mundësinë e mërzisë ose zhgënjimit dhe do t’i ndihmojë ata të kuptojnë se çfarë të presin dhe kur të mos presin. Për shembull, insistoni që të flenë në të njëjtën kohë çdo ditë. Kjo do të zhvillojë një ndjenjë përgjegjësie tek fëmijët tuaj që në moshë të re.
Vendosni pritshmëri të qarta
Është shumë më e dobishme t’i tregoni fëmijës tuaj saktësisht se çfarë dëshironi që ai të bëjë sesa çfarë nuk duhet të bëjë. Fëmijët nuk e kuptojnë gjithmonë atë që pritet të bëjnë kur u kërkoni të sillen mirë ose të mos bëjnë rrëmujë. Ka më shumë gjasa që ata të përmbushin kërkesën tuaj nëse u jepni udhëzime të qarta.
