Hera e parë që mora një psherëtimë të lehtësuar ishte kur avioni u ngrit dhe hera e dytë kur m’u dha një qëndrim i përkohshëm në Serbi,” tha disidenti rus dhe aktivisti kundër luftës Vladimir Volokhonsky për Radion Evropa e Lirë (RSE).
Ky këshilltar opozitar nga Shën Petersburgu mbërriti në Beograd në maj, pas presionit dhe persekutimit në vendin e tij.
Pas pushtimit rus të Ukrainës, ai u bëri thirrje publikisht kolegëve të tij nga “Rusia e Bashkuar” pro-putiniste që të largoheshin nga ajo parti.
Mirëpo, vendimin për t’u larguar nga vendlindja e tij e mori edhe para fillimit të agresionit.
“Realiteti rus është një realitet i pasigurisë së madhe dhe pothuajse gjithçka ndodh në një mënyrë absolutisht të paparashikueshme.”
Ai shkoi me bindjen e nënës së tij, e cila jetonte me frikë për sigurinë e tij.
“Ajo ka qëndruar në Rusi, është e sëmurë dhe nuk dëshiron të largohet nga shtëpia e saj”. Nuk jam i sigurt, por kam një ndjenjë që nuk do ta shohim më kurrë njëri-tjetrin.
Në Shën Petersburg mbetën shumë shokë të tij, disa prej të cilëve janë në burgje.
“Sot nuk kam plane konkrete, nuk do të kthehem derisa Putini është gjallë”, thotë ai.
Organizatat ndërkombëtare të të drejtave të njeriut kritikojnë ashpër qeverinë në Rusi për trajtimin e disidentëve politikë dhe burgosjen e tyre.
Ai u largua nga vendlindja më 7 mars, dy ditë pasi policia bastisi banesën e tij dhe e ndaloi.
