Një trajnere kafshësh në Utah është nën kujdesin e mjekëve pasi aligatori që po ushqente e sulmoi duke i kafshuar dorën dhe nuk pranoi ta lëshonte. Në kopshtin zoologjik po mbahej një festë ditëlindjeje dhe ka qënë një nga të ftuarit në festë që i është hedhur aligatorit në kurriz për ta ndihmuar.
Lindsay Bull, 31 vjeç, tha se ajo e kishte ushqyer Darthgator-in qindra herë më parë, por ajo ka thënë se aligatori nuk ishte dhe aq në “humor të mirë” të shtunën kur ajo hapi derën e xhamit per ta ushqyer. Videoja e incidentit tregon Bull duke i dhënë aligatorit amerikan komandën “mbrapa” dhe më pas duke e shtyrë zvarranikun 150 kilogramë duke i kapur nofullën, teksa ai përpiqet të ngjitet mbi platformë.
Bull thotë se nuk e ka parë videon, por mendon se dora e majtë i ka rrëshqitur dhe aligatori e ka kapur atë si një refleks gjatë ushqyerjes.”Gjithçka po shkonte normalisht, asgjë e pazakontë në ndërveprimet midis meje dhe Darth,” tha Bull për CNN. “Por kushdo që punon me kafshët e di se ka një shans që diçka të shkojë keq.”
Në fillim, ajo mendoi se aligatori do të bënte një kafshim të shpejtë dhe do ta lëshonte, por më pas ajo e ndjeu se kafsha e kafshoi më fort.Brenda sekondave, Donnie Wiseman bërtiti për ndihmë para se të hynte në akuarium dhe të hidhej mbi aligatorin.
“Ishte si një lehtësim i menjëhershëm. Për një minutë, unë jam duke u përballur vetëm me gjithë këtë dhe pastaj krejt papritur, Donnie ishte atje në platformë duke bërtitur – çfarë do që unë të bëj? Unë nuk mund ta imagjinoj sa e vështirë ishtë për atë të hidhej mbi kurrizin e aligatorit”.
Aligatori më në fund e la të lirë dhe Todd Christopher, një tjetër i ftuar, ishte në gjendje ta kapte Bull nga krahët dhe ta tërhiqte nga akuariumi.”Sa herë që ndodh diçka kaq traumatike, mendoj se të kesh dikë atje me ty, është një ngushëllim pavarësisht se çfarë bëjnë ata. Ata ishin fantastike, më shpetuan jetën” – tha Bull.
Bull pësoi dëmtim të tendimave dhe kishte eshtra të copëtuara në kyçin e dorës. Mjekët e operuan dorën e saj të Shtunën dhe e vunë në një trajtim intensiv me antibiotikë për të parandaluar infeksionin.Ajo do t’i nënshtrohet terapisë fizike, por sipas mjekëve pasi të rimarrë plotësisht kondtrollin e dorës.
Bull tha se ishte magjepsur nga aligatorët që kur ishte e re dhe ka punuar me Darthgator në “Scales and Tails” për rreth tre vjet e gjysmë.Ajo tha se e do aligatorin, edhe pse ai është territorial dhe ndonjëherë mund të jetë një budalla.
Bull tha se ajo dëshiron të kthehet në punë me Darthgator sa më shpejt që të jetë e mundur, edhe pse e di që ndoshta do të jetë pak nervoze dhe hiper-vigjilente në fillim.”Mezi pres të kthehem dhe të luaj përsëri me shokun tim,” tha ajo.
/Burimi: CNN/ përshtati në shqip Priza.al/
