Zbardhen detaje të reja nga ngjarja tragjike që ndodhi në fshatin Nikoliq të Hasit ku nënë e bir kanë humbur jetën pasi banesa e tyre u përfshi nga flakët.
Djali Rexh Lushi është futur në banesë për të shpëtuar nënën e tij, Fatime Lushi, por nuk ka mundur t’ia dalë pasi ka mbetur i bllokuar brenda. Bashkëshortja e viktimës A. L. ka mundur të dalë nga banesa.
Trupat e pajetë të nënë e bir janë nxjerrë nga banesa pas shuarjes së flakëve. Zjarri ka rënë rreth orës 02:00, ndërsa po punohet për përcaktimin e shkakut të rënies së zjarrit.
