Autoriteti Rrugor Shqiptar ka bërë ne dije se nga data 27 nëntor me qëllim përmirësimin e sigurisë rrugore do të ndërmerret një aksion për mbylljen përfundimtare të të gjitha hyrje-daljeve të rrezikshme, që nuk nuk plotësojnë kriteret sipas standardeve në rrjetin rrugor kombëtar.
Autoriteti Rrugor Shqiptar së bashku me Policinë Rrugore dhe Inspektoratin Kombëtar të Mbrojtjes së Territorit do të ndërmarrin këtë aksion dhe lajmërojnë se bizneset që do vijojnë aktivitetet duhet të pajisen me dokumentacion përkatës në e-albania.
Njoftimi:
“Aksioni konsiston në mbylljen me mbrojtëse anësore metalike dhe hapjen e kanaleve anësore të mbyllura në mënyrë të paligjshme nga ana e bizneseve në anë të rrugës.
Bizneset të cilat plotësojnë kriteret për të vijuar me ushtrimin e aktivitetit të tyre, por që nuk janë pajisur me autorizimin përkatës, duhet të përgatisin dokumentacionin sipas legjislacionit në fuqi dhe të aplikojnë tek e-albania, link:
https://e-albania.al/eAlbaniaServices/ServiceList.aspx…
Çdo projekt që do të paraqitet për hyrje-dalje, duhet të jetë i shoqëruar me një Raport Auditimi të Sigurisë Rrugore të përgatitur nga auditues i certifikuar”, njofton ARRSH.
/Priza.al/
