Drejtori i Policisë së Shteti, Gledis Nano është larguar nga detyra.
Burime për median bëjnë me dije se arsyeja e dorëheqjes së tij është bërë ngjarja e rënë në lidhje me zhdukjen e Ervis Martinaj e cila ende rezulton e pa zbardhur.
Kujtojmë se ngjarjet kriminale në vend kohët e fundit janë shtuar ndjeshëm dhe se kaq ka mjaftuar që shefi i policisë së Shtetit të dorëhiqet.
Nano i ka dorëzuar dorëheqjen kryeministrit Edi Rama dhe zyrtarizimi i largimit nga detyra do të bëhet pasnesër (ditë e mërkurë) në mbledhjen e Këshillit të Ministrave ku do të jepet edhe emri i drejtorit të ri.
Gledis Nano mori drejtimin e Policisë së Shtetit në tetor të 2021-ës pas problemeve që i paraprinë Ardi Veliut në drejtimin dhe menaxhimin e trupës policore. Nano më herët ka mbajtur postin e drejtorit të Anti-Terrorit dhe spikati me operacionin për evakuiimin e shqiptarëve që ndodheshin në kampin Al-Hol në Siri./dosja
