Kur ishte vetëm 6 vjeç, Thylane Blondeau nga Franca u shpall vajza më e bukur në botë. Vajza me sy të kaltër u bë ylli i industrisë së modës. Sot ajo është 20-vjeçe dhe punon si modele. Por, vitet e fundit gjërat nuk po shkojnë siç duhet për bukuroshen dhe fajin e ka një problem shëndetësor që nuk po merr zgjidhje, për shkak se mjekët nuk e kanë diagnostikuar siç duhet.
20-vjeçarja ka publikuar një mesazh të gjatë në Instagram ku zbulon se i është dashur që t’i nënshtrohet disa operacioneve për kiste në vezore.
“Nuk isha e sigurt për ta postuar këtë, por ja ku jemi. Një vit më parë pata një operacion urgjent për një kist në vezore, që më kishte shpërthyer në stomak. 3 muaj më vonë, barku filloi të më dhemb dhe mendova se ishte për shkak të operacionit.
Këtë vit takova tre gjinekologë të ndryshëm, kam qenë në më shumë se 4 qendra radiologjike në Paris dhe të gjithë ata thanë të njëjtën gjë:
‘Mos u shqetëso, nuk ke asgjë, gjithçka është në kokën tënde’.
4 ditë më parë shkova në urgjencë, sepse barku më dhembte aq shumë sa nuk mund ta përballoja më. Ata thanë që gjithçka ishte mirë, se kisha një kist të vogël dhe do të më duhet të bëja një kontroll deri në 2-3 muaj.
Të nesërmen pata këtë takim me një mjek i cili pa se një kist prej 5,6 cm prekte vezoren time dhe më dërgoi direkt në spital për operacion urgjent. Sot më në fund po ndihem më mirë. Me të vërtetë mendova se isha e çmendur që u ankova për stomakun tim për kaq gjatë.
E lumtur që nuk kam hequr dorë kurrë. Nga kjo përvojë kam mësuar se kur ju lëndon trupi, kujdesuni për të, duhet të takoni mjekë të ndryshëm derisa disa prej tyre të gjejnë problemin dhe ta shërojnë atë.
Çdo dhimbje edhe më e vogël mund të fshehë diçka shumë më të rëndësishme. Sot ndihem e bekuar dhe mirënjohëse që e kam kaluar këtë përvojë dhe jam shumë mirënjohëse për mjekun, i cili më shpëtoi jetën si dhe të gjithë mjekët e tjerë që u kujdesën për mua dhe më ndihmuan ta kaloj këtë.
Gjithashtu edhe nëna ime që mori direkt një tren nga jugu i Francës për t’u bashkuar me mua, i dashuri im që më ndihmoi që 1 vit më parë me problemet e barkut. Faleminderit për të gjitha mesazhet tuaja!
/Priza.al/
