Kryetarja e Këshillit të Lartë Gjyqësor, Naureda Llagami deklaroi sot se po punohet me 60% më pak të gjyqtarëve për shkak të mungesa që shkaktoi vettingu.
“Kemi vetëm 247 gjyqtarë në detyrë deri në fund të vitit 2023. Pra, po ta llogarisësh i bie më pak se 60% e kapacitetit dhe me këtë kapacitet, po ky sistem po punon me ritme shumë të forta.
Në asnjë moment, sistemi nuk ka ulur ritmin e punës. Me hartën e re gjyqësore kemi një lloj të ekuilibrit dhe shpërndarjes nëpër gjykata.
Nuk kemi problematika përveç Gjykatës së Tiranës, në gjykata të tjera, dosjet përfundojnë brenda afatit dhe po të shohësh norma e rendimentit është tek 90-100%” tha ajo.
