Një e dashur xheloze në Tajvan, akuzohet se i ka prerë organin gjenital të dashurit të saj dhe më pas e ka hedhur në tualet. Burri, i quajtur Huang, tha se u zgjua me dhimbje të forta. 52-vjeçari kishte rënë në gjumë të thellë pasi kishte pirë alkool në shtëpinë e tij në Xihu Toëship në qarkun Changhua në Tajvan. Babai i tre fëmijëve u zgjua dhe pa që kishte shumë gjakdershje dhe se 20% e penisit të tij ishte prerë. E dashura e tij 40-vjeçare dyshohet se i preu atij penisin me një palë gërshërë kuzhine. Më pas mësohet se ajo e hodhi atë në tualet në mënyrë që mjekët të mos kishin mundësi ta rivendosnin atë. Më pas vendosi të shkojë në stacionin e policisë dhe të vetëdorëzohej.
Mësohet se burri u dërgua me urgjencë në spitalin e afërt të Changua Christian ku duhej t’i nënshtrohej një operacioni. Mjekët thanë se 1.5 centimetra ishin copëtuar nga fundi i organit gjenital, por skrotumi dhe testikujt ishin ende të paprekura.
“Mjekët duhet të kryenin një operacion urgjent për të ndaluar gjakderdhjen dhe për të riparuar uretrën për kryerjen e urinimit. Skrotumi dhe testikujt e tij janë ende të paprekura. Pjesa e humbur e organit gjenital nuk u gjet dot. Pjesa e mbetur është e pamjaftueshme për t’u përfshirë në marrëdhënie seksuale, prandaj mënyra më e mirë është të kryejë një implant”, tha zv/drejtori i spitalit, Chou Chih Chung.
Ai do të ketë nevojë për kirurgji të mëtejshme rindërtuese dhe gjithashtu këshillim psikologjik. Fqinjët i thanë medias lokale se ata shpesh dëgjonin çiftin duke grindur. Çifti jetonin së bashku prej 10 muajsh. Burrit i është thënë se ai nuk do të jetë më në gjendje të bëjë seks dhe po i jepen këshilla për të bërë një implant artificial dhe një operacion rindërtues. Atij gjithashtu po i ofrohet këshillim psikologjik.
Përshtati:Priza.al/ Burimi:DailyMail
