Regjisori i njohur Eduart Grishaj, ishte i ftuar së fundmi në emisionin ‘Ftesë në 5’, ku tregoi detaje të reja 24 orë para premierës së filmit “Sofia”. I pyetur nga moderatorja për reagimin e Arbanës pasi ishte shprehur në disa dalje të tjera televizive se “është e vështirë në aktrim”, Edi tha:
“Do të kemi një përballje televizive ne. Meqënesë unë kam folur për të gjithë këto kohë, do të jetë radha e saj të flasë për mua”.
Ndërkohë Arbana ishte bashkëpunëtore në një videomesazh surprizë që Tinka Kurt i bëri Eduart Grishaj. Aktorja do të mungojë në premierën e filmit, ndaj i shprehu mirënjohjen përmes një videoje.
Regjisori Eduart Grishaj ishte i ftuar më herët në një intervistë, ku ka zbuluar se nuk është aspak e lehtë të punosh me Arbana Osmanin. Kjo e fundit do jetë aktore në filmin e ri të regjisorit, të quajtur “Sofia.”
“Nuk ishte e lehtë fare për të punuar me Arbanën, sepse nga prezantimi në aktrim ajo mendoi se ishte e thjeshtë, por nuk është edhe aq. Është e vështirë të kesh Arbanën aktore, sepse bën shumë dubla”- tha Grishaj, i ftuar në ‘Euronews’.
Sa i përket rolit të moderatores, Eduarti tha se Arbana do të ketë rolin e saj në emisionin “Dua të të bëj të Lumtur”, ndërsa shtoi se partnerja e tij është kritikja më e madhe.
“Arbana luan veten e saj në emisionin e vet. Çfarë nuk i thosha dhe çfarë nuk më thoshte. Njeriu më i afërt që kam është Arbana, e cila më ka kritikuar më shumë. Ato që më ka thënë i kam rregulluar”– tregoi Eduarti.
