Policia dhe prokuroria zvicerane kanë goditur një rrjet shqiptar të trafikut të drogës. Sipas prokurorisë zvicerane, grupi kriminal shqiptar vepronte në trafikun në trafikun ndërkombëtar të drogës nga prilli i vitit 2020 deri në mars të vitit 2021. Ndërsa bëhet e ditur se shqiptarët kanë trafikuar sasi të mëdha droge në këtë vend.
Nga aksioni i policisë dhe prokurorisë zvicerane janë vendosur në pranga 27 persona të këtij grupi kriminal. Ata vepronin kryesisht në kantonin e Luzernës.
Gjithashtu nga aksioni janë sekuestruar 14,5 kilogramë kokainë, 8 kilogram heroinë, 3 kilogram marijuanë dhe 30 kilogramë produkte prerëse.
Bashkë me drogën janë kapur rreth 160 mijë franga, që kishin si burim trafikun e drogës.
Sipas autoriteteve droga shitej në të paktën 13 kantone dhe tregtia ishte e organizuar në mënyrë profesionale.
Vetëm në kantonin e Luzernës, policia arrestoi pesë burra dhe një grua nga Shqipëria.
I pandehuri kryesor rezulton të ketë trafikuar 82 kilogramë kokainë dhe bashkëpunëtori i tij 31 kilogramë.
