Një aksident i rëndë ka ndodhur ditën e sotme në aksin rrugor Fier-Levan ku si pasojë e përplasjes një i moshuar ka humbur jetën pas disa orësh në spital.
Uniformat blu raportojnë se kanë vënë në pranga shoferin e automjetit që shkaktoi aksidentin, shtetasin P. L., 56-vjeç.
Njoftimi i policisë:
Fier- Specialistët e Sektorit të Qarkullimit Rrugor të DVP Fier bënë arrestimin e shtetasit P. L., 56 vjeç, banues në Fier, pasi rreth orës 13:30, në aksin rrugor “Fier-Levan”, automjeti tip “Toyota” me drejtues shtetasin P. L. ka aksidentuar këmbësorin, shtetasin M. H., 92 vjeç, banues në Zhupan, i cili pas disa orësh ndërroi jetë në spitalin e Fierit.
Materialet do i kalojnë Prokurorisë, për veprime të mëtjeshme procedurale.
