Një nënë ruse është arrestuar nga policia, pasi akuzohet se derdhi benzinë në gojën e djalit të saj tetë vjeçar dhe më pas i vuri flakën. Djali vdiq në një spital në Kursk të Rusisë, pasi pësoi djegie të tmerrshme në 45 përqind të trupit. Gruaja 31-vjeçare e quajtur Anastasia Baulina, ishte zemëruar që djali i saj e kishte spiunuar atë te njerku se ajo kishte takuar të dashurin e saj.
Policia raportoi se pasi kishte debatuar me djalin e saj, ajo i kishte derdhur karburantin në gojë djalit të tmerruar dhe i kishte thënë: Le të shohim tani sesi digjesh i gjallë.
Motra e tij 12-vjeçare, Natasha tha se ndërsa nëna ia mbushte gojën me benzinë djalit të saj, ai veç qante. Ndërsa vajza u largua e tmerruar, nëna dhe njerku Pavel Baulin, 35-vjeç, shuan flakët dhe thirrën një ambulancë. Por djali u plagos rëndë dhe vdiq dy ditë më vonë nga djegiet e mëdha. Gruaja rrezikon të dënohet me 20 vjet burg.
Përshtati:Priza.al/Burimi:DailyMail
