Një aksident i rëndë rrugor është regjistruar pasditen e kësaj të marte, duke i marrë jetën 2 personave. Ngjarja ka ndodhur rreth orës 18:30, në aksin rrugor Lushnjë-Krutje, në fshatin “Gurrëz e vogël”.
Mësohet se automjeti tip “Reno “, ka dalë nga rruga, ku për pasojë janë dëmtuar dhe kanë ndërruar jetë drejtuesi dhe pasagjeri në mjet. Nuk dihet ende identiteti i viktimave.
Grupi hetimor po punon për identifikimin e viktimave dhe zbardhjen e plotë të ngjarjes.
