Aureta Caulit, 25-vjeçarja nga Durrësi e cila rezultonte e zhdukur që prej së hënës së kaluar, ka rrëfyer në emisionin “Me zemër të hapur” rrethanat e ngjarjes ku ajo ishte përfshirë. Pasi tregoi kalvarin e historisë së saj, duke filluar nga ndarja nga jeta e bashkëshortit të parë, te dhuna dhe te procesi i divorcit me bashkëshortin e dytë, 25-vjeçarja shprehet se ajo nuk ishte e zhdukur por se kishte ikur me dëshirë tek i dashuri i saj i ri.
“Djalin e madh e kam nga një martesë tjetër, babai i tij nuk jeton. Shkova te familja ime, por te babai nuk qëndrohet. Kam qenë 20 vjeçe dhe i thash babait që unë do filloj jetën time dhe m’u propozua që të krijoja një familje. Më thanë që është djalë i mirë dhe do të mbajë mirë. Më pas vajti djali 6 vjeç filloi dhuna, ma rrihnin, ma linin pa bukë. Unë hapja derën edhe me forcë për të marrë bukën. Po të hante fëmija edhe unë e ngopur isha. Unë i tregova edhe vëllait problematikën. Ai ishte larg e s’kishte çfarë të bënte. Në një moment vendosa që të mos kthehem më te ai, e braktisa. Prindërit më thoshin të rrija një javë te ato e të merrja veten. Po ku të shkoja mbrapa, do kthehesha e do më dhunonte prapë, si mua e djalin. Ai punonte, por kishte edhe lidhje tjetër paralele. E kam zbuluar këtë gjë më mbrapa. Unë i kërkova të ndahemi, por paraprakisht kërkova një ndërmjetësim. Tani jam drejt gjyqit për të kryer ndarjen. Kam afro 1 vit që jam ndarë prej tij”, tha ajo.
Aureta rrëfen se ishte larguar me një djalë të cilin kishte kohë që e njihte në facebook, por të cilit nuk i kishte treguar se ishte nënë e dy fëmijëve që kishte nga dy martesat e para. Sipas saj në momentin që i dashuri i ri mësoi këto fakte ai e braktisi.
“Personin që u largova nga shtëpia e njoha në Facebook. Unë tani jetoj vetëm. Kam marrë shtëpinë me qira. Kam afro 1 vit që jetoj vetëm. Tani për momentin jam pa punë për shkak të ngjarjes së fundit. Vendi i punës më është zënë.
Nuk para flisja me prindërit, më thanë s’të duam më si vajzë. Unë mund ta njoh një djalë, por fëmijët nuk braktisen. Më thanë që në një shtëpi jeto vetë, unë fillova punë dhe përballoja jetën. Kam 8 muaj që jam njohur me të dashurin dhe gjithmonë flisnim nëpërmjet Facebook-ut. Unë i thashë prindërve që do të largohem. Kam qenë edhe në spital, e në ato momente doja vetëm fëmijët. Unë jetoja në një kuzhinë. Dola nga ora 10 nga puna dhe kam bërë takim me djalin që kam njohur. Unë s’i kam thënë prindërve sepse s’doja një lidhje. I dashuri im m’u duk shumë njeri i mirë, kam takuar dhe familjarët e tij. Kur mori vesh që kisha dy fëmijë, ai shkëputi çdo gjë. Unë i kam kërkuar mamit që të kujdeset për fëmijët, vetëm kaq, nuk e sqarova më. Në familjen e të dashurit gjeta ngrohtësi. Megjithëse tani asgjë nuk është më, mes meje dhe atij.
Unë nuk mund të braktis fëmijët e mi që mezi po i rris për të dashur një djalë. Qaja mbyllja derën dhe qaja vetëm për fëmijët. Kemi qenë te motra e tij, u bëra keq u shtrova në spital, Bëra analizat dhe qëndrova një ditë në spital, doktori më tha që e ke nga stresi.
Merrja një shoqe në telefon, që e kam si motrën time, ajo më tregonte për gjendjen e fëmijëve. Kur më mori mami në telefon, isha shumë keq, i thosha ndodhi ç’a ndodhi aman vetëm fëmijët.
Me vëllain nuk kam pasur komunikime të mira. Nuk flisnim. Fëmijët mbi mbanin por me mua nuk flisnin. E kam vuajtur shumë, ishte stres. Të shikosh vëllain në lokal dhe mos të të flasë nuk është gjë e lehtë. Kam katër vëllezër, vetëm me të voglin flisja.
/Priza.al/
