Moderatorja Einxhel Shkira ndan vazhdimisht detaje të jetës së saj si nënë e re në rrjete sociale. Ajo dhe Dj Dagz janë bërë prindër të vogëlushit Trev, që është kthyer në kryefjalën e ditëve dhe jetës së tyre tashmë.
Mirëpo si çdo nënë e re, edhe Einxhel e ka përjetuar depresionin post partum dhe ka marrë ndihmë speciale, për ta kontrolluar sa më mirë situatën së bashku me Dagz.
“E di që është e vështirë dhe vetëm ne mund ta kuptojmë njëra-tjetrën, por do t’ju këshilloja ta përqëndroni të gjithë dashurinë tek bebi dhe mirëqenia e tij dhe tek asgjë tjetër”– shprehet ajo teksa këshillon ndjekëset që e pyesin, duke i premtuar edhe një video më të gjatë me shpjegime për temën.
Einxhel ka treguar vazhdimisht se Dj Dagz është një baba tepër i përkushtuar, që kujdeset gjithashtu shumë për të voglin, madje ndonjëherë bën edhe “punët e vështira” si ndërrimi i pelenës.
