Policia e Kurbinit ka bërë të mundur arrestimin e dy personave si të dyshuar për vrasjen e biznesmenit Rakip Roli, një ditë më parë në Sanxhak të Laçit.
Mësohet se të arrestuarit janë babë e bir, Skënder dhe Laj Lika. Ata janë kapur në zonën e Fushë-Milotit, ndërsa në pranga ka rënë edhe një person i tretë, por ende nuk dihet roli i tij në ngjarje.
Rakip Roli, i njohur ndryshe si Pilot Roli, u vra mëngjesin e të premtes sapo doli nga banesa.
Në zonën ku ka ndodhur vrasja nuk ka kamera sigurie, gjë që e vështirëson akoma më shumë zbardhjen e plotë të ngjarjes.
/Priza.al/
