Një shtetas shqiptar është dënuar me 22 muaj burg pasi u kap në Angli duke ruajtur bimë kanabisi me vlerë deri në 848,000 paund në Angli është ë një fermë kanabisi. Mediat britanike shkruajnë se ai është 30-vjeçari Arnold Hazizi.
Oficerët e policisë britanike gjatë kontrollit të ‘fabrikës së kanabisit’ hynë në pronë hasën një derë të përforcuar, grila çeliku dhe një alarm. Hazizi, i cili ishte i vetmi person brenda tentoi të arratiset duke u ngjitur përmes paneleve të çatisë por u arrit të kapej nga policia.
Një pjesë e ndërtesës ku u kap 30-vjeçari ishte shndërruar në një fabrikë të madhe kanabisi, me 1010 bimë, të cilat në tregun e paligjshëm kapnin vlerën e 848,400 paundëve.
Gjatë seancës gjyqësore, Hazizi deklaroi se në Shqipëri kishte punuar në fermën e tij familjare, por për shkak të borxheve ishte detyruar të shkonte ilegalisht në Britaninë e Madhe.
“Jam i zhytur në borxhe në Shqipëri”, ka deklaruar ai.
Ndërsa avokati i tij u shpreh: “Ai ka një grua, një fëmijë dhe prindërit atje. Erdhi në Angli në Janar të 2022-it. Rrezikohet në Shqipëri”
Gjykatësi tha se çështja e dëbimit u përket autoriteteve të tjera, por mendimi i tij ishte që i pandehuri të dëbohet në momentin e lirimit nga burgu.
