Biznesmeni shqiptar Xhani Topalli është gjetur këtë të martë në ishullin Rodos, Greqi.
Mediat greke bëjnë me dije se Topalli është vrarë nga një biznesmen 53-vjeçar që merrej me hotele.
Mësohet se ka qenë vetë autori i cili ka rrëfyer krimin dhe se ku ndodhej trupi i pajetë i shqiptarit, i cili rezultonte i zhdukur që prej datës 28 gusht. Dyshohet për një konflikt mes të dy biznesmenëve, pasi Topalli kishte për t’i shlyer detyrimet sipas një marrëveshjeje që kishin lidhur. 46-vjeçari shqiptar kishte caktuar një takim me pronarin e hotelit mbrëmjen e 28 gushtit dhe po përpiqej që t’i merrte një borxh prej 30 mijë euro biznesmenit grek, i cili e kishte kontraktuar për një punë.
Familja pohon se viktimën e kishin marrë peng, pasi makina e tij ishte gjetur e braktisur në një zonë, dhe se telefoni nuk i dilte më i hapur.
Autori është arrestuar, ku priten të tjera detaje nga kjo ngjarje e rëndë.
