Në prangat e policisë ka rënë një 30-vjeçar banues në Kosovë, pasi ishte shpallur në kërkim ndërkombëtar.
Bindi Agolli është i dënuar nga Gjykata Jonkopnig/ Suedi me 2 vite e 4 muaj burg për veprat penale “Mashtrimi”, “Heqja e paligjshme e lirisë”, “Vjedhje” dhe “Shkelja e ligjit për narkotikët”.
Njoftimi i policisë:
Muriqan/Shkodër
Kontrolle të shtuara në pikat kufitare, me qëllim kapjen e personave në kërkim kombëtar dhe ndërkombëtar.
Vihet në pranga një shtetas i shpallur në kërkim ndërkombëtar.
Shërbimet e PKK Muriqan, si rezultat i kontrolleve të shtuara, me qëllim kapjen e personave të shpallur në kërkim kombëtar dhe ndërkombëtar, bënë kapjen dhe arrestimin provizor, me qëllim ekstradimin drejt Suedisë, të shtetasit:
Bindi Agolli , 30 vjeç, banues në Kosovë.
Ky shtetas ishte shpallur në kërkim ndërkombëtar, pasi Gjykata e Jonkoping/Suedi, me vendimin e datës 29.04.2021, e ka dënuar këtë shtetas me 2 vite e 4 muaj burgim, për veprat penale “Mashtrimi”, “Heqja e paligjshme e lirisë”, “Vjedhja” dhe “Shkelja e ligjit për narkotikët”, parashikuar nga Kodi Penal i Suedisë.
Materialet iu referuan Prokurorisë pranë Gjykatë së Shkallës së Parë Shkodër, për veprime të mëtejshme, me qëllim ekstradimi në shtetin suedez.
