Një 24-vjeçar është arestuar në Shkodër, pasi ultivonte bimë narkotike.
Si dhe është shpallur në kërkim bashkëpuntori i tij, shtetasi me iniciale R. B., 27 vjeç. Shtetasi Blerim Hoxha akuzohet për veprën penale “Kultivimi i bimëve narkotike”, kryer në bashkëpunim.
Ndërkohë, policia ka sekuestruar 560 bimë të dyshuara narkotike cannabis sativa.
Njoftimi i Policisë:
Velipojë, Shkodër
Vijojnë operacionet e kontrollit të territorit, me qëllim parandalimin, evidentimin dhe goditjen e kultivimit të bimëve narkotike.
Gjatë kontrollit të territorit, shërbimet e Policisë kanë evidentuar dhe goditur një rast të kultivimit të bimëve narkotike. Finalizohet operacioni policor i koduar “Luarzë”.
Operacioni u zhvillua nga Stacioni i Policisë Velipojë, në bashkëpunim me Komisariatin e Policisë Shkodër.Arrestohet në flagrancë autori i dyshuar, shpallet në kërkim bashkëpunëtori i tij.
Gjenden dhe asgjësohen 560 bimë të dyshuara narkotike cannabis sativa.
Shërbimet e Stacionit të Policisë Velipojë, në bashkëpunim me Komisariatin e Policisë Shkodër, në vijim të kontrolleve të territorit, për të evidentuar dhe goditur rastet e kultivimit të bimëve narkotike, falë përdorimit të dronit, bazuar dhe në informacionet e siguruara në rrugë operative, kanë finalizur operacionin “Luarzë”, gjatë të cilit është evidentuar dhe goditur një rast i kultivimit të bimëve narkotike në fshatin Luarzë, Velipojë, Shkodër.
Në kuadër të këtij operacioni u arrestua në flagrancë shtetasi B. H., 24 vjeç, si dhe u shpall në kërkim shtetasi R. B., 27 vjeç, të dy banues në Shkodër.Shërbimet e Policisë, gjatë kontrollit të ushtruar në fshatin Luarzë, kanë gjetur 560 bimë të dyshuara narkotike cannabis sativa, të cilat dyshohet se shtetasi B. H. i ka kultivuar në bashkëpunim me shtetasin R. B.
Vijon puna për kapjen e shtetasit R. B. dhe dokumentimin e plotë të kësaj veprimtarie kriminale.
Materialet iu referuan Prokurorisë pranë Gjykatës së Rrethit Gjyqësor Shkodër, për veprën penale “Kultivimi i bimëve narkotike”, kryer në bashkëpunim.
